महाराष्ट्र मंडळ “सूरत” यांच्या अंतर्गत चालणारे उपक्रम, कार्यक्रम, जयंती उत्सव, सांस्कृतिक व सामाजिक उपक्रम हे सूरत महानगरातील मराठी जनतेसाठी एक सामाजिक व्यासपीठ ठरले आहे. मराठी जनतेच्या शैक्षणिक, सांस्कृतिक, आर्थिक व सामाजिक प्रगतीसाठी मंडळाने अनेक उपक्रम राबवले आहेत. सामाजिक ऐक्य वाढविण्यासाठी मंडळाने एकोपा, बंधुभाव आणि परस्परसंबंध यांचे जतन केले आहे. त्यामधून सूरतमधील मराठी समाजाला एक दिशा मिळाली आहे.

साप्ताहिक कार्यक्रमांतर्गत महाराष्ट्र मंडळामध्ये दर शुक्रवार व रविवार रोजी विविध मराठी सांस्कृतिक कार्यक्रम, व्याख्याने, स्पर्धा, नाट्य, संगीत, साहित्य व धार्मिक विषयांवर सामाजिक उपक्रम राबवले जातात.

महाराष्ट्र मंडळ स्थापनेपासून शैक्षणिक क्षेत्रातही मंडळाने योगदान दिले आहे. विविध शाळांमध्ये मराठी भाषा शिकविण्याची सोय उपलब्ध करून दिली आहे. महाराष्ट्रातून येणाऱ्या वक्त्यांच्या उपस्थितीत मंडळात “ज्ञानवर्धक मेळावे” घेतले जातात. त्यामुळे समाजातील नवनवीन विषयांवर चर्चा होऊन ज्ञानवृद्धी साधली जाते.